នៅថ្ងៃអង្គារ ១៥កើត ខែជស្ឋ ឆ្នាំច សំរឹទ្ធស័ក ព.ស.២៥៦២ ត្រូវនឹងថ្ងៃទី២៩ ខែឧសភា ឆ្នាំ២០១៨
ការប្រកួតកីឡាវាសីសម្រាប់កីឡាជាតិលើកទី២ បានបញ្ចប់ដោយភាពជោគជ័យ និងស្នាមញញឹម ក្រោមការអញ្ជើញជាគណៈធបតី ឯកឧត្តម អ៊ុក សិទ្ធីជាតិ អគ្គនាយក នៃអគ្គនាយកដ្ឋានកីឡា និង ឯកឧត្តម កែវ ប៉េងវឌ្ឍន៍ ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានហិរញ្ញវត្ថុថ្នាក់ក្រោមជាតិ។ ការប្រកួតចុងក្រោយនេះគឺជាវិញ្ញាសាវាយគូចម្រុះ ដែលជ័យលាភីលេខ១ បានលើកកីឡាការនី អ៊ុង វលក្ខទេវី និងកីឡាករ សុខ ផាន់ណា មកពីក្លឹបកីឡាវាយសីខេត្តស្វាយរៀង ជ័យលាភីលេខ២ បានលើកីឡាការនី ឈួន ឆ័យរី និងកីឡាករ ឡេង សុភ័ក្ត្រា មកពីក្លឹបកីឡាវាយសីក្រសួងសេដ្ឋកិច្ច និងហិរញ្ញវត្ថុ និងជ័យលាភី៣ បានលើកីឡាការនី ហៀង លក្ខិណា និងកីឡករ លឹម ប៉េងហេង មកពីក្លឹបកីឡាវាយសីខេត្តកំពង់ឆ្នាំង។
