សហព័ន្ធកីឡាវាយសីកម្ពុជាបានបញ្ជូនកីឡាករចូលរួមប្រកួតព្រឹត្តិការណ៍កីឡាវាយសី Can Tho Open 2015 នៅប្រទេសវៀតណាម។ ប្រតិភូកីឡាវាយសីនេះដឹកនាំដោយលោកអភិបាលរងខេត្តកំពង់ឆ្នាំង ចេង ញ៉ាន់ ដោយរួមមានមន្ត្រីសហព័ន្ធម្នាក់ គ្រូបង្វឹកពីរនាក់ និងកីឡាករចំនួន៩រូប ដើម្បីកំដៅសាច់ដុំ និងដកពិសោធន៍ត្រៀមលក្ខណៈប្រកួតកីឡាSEAGAMES នាខែមិថុនា ខាងមុខនេះ នៅប្រទេសសឹង្ហបុរី។
កីឡាករវាយសីកម្ពុជាទទួលលទ្ធផលត្រចះត្រចង់ដែលមិនធ្លាប់មានពីមុនមក ក្នុងការចូលរួមប្រកួតក្របខ័ណ្ឌ Can Tho Open 2015 ពីថ្ងៃទី៣០មេសា ដល់ថ្ងៃទី៣ខែឧសភា នៅប្រទេសវៀតណាម ដោយទទួលបានមេដាយមាស១ ប្រាក់១ និងសំរិទ្ធពីរគ្រឿង។ ព្រឹតិ្តការណ៍កីឡានេះភាគីម្ចាស់ផ្ទះបើកចំហរដល់គ្រប់សមាជិកអាស៊ាន តែបានទទួលការចូលរួមពីម៉ាឡេស៊ីនិងកម្ពុជាប៉ុណ្ណោះ។
